Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 81 Hüküm no: 50 Orijinal metin no: [7b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Abdülkerim’in Karabağı köyündeki tarlalarının tasarrufu İbrahim b. Musli’ye devretmesi Mahmiye-i Galata dâhilinde Okçu Musa mahallesi sükkânından Mehmed b. Abdülkerim mahfil-i kazâda râfî‘-i hâze’l-kitâb İbrahim b. Musli nâm kimesne mahzarında ikrâr ve takrîr-i kelâm edip vilâyet-i Anadolu’da Bolu sancağında Zirzine kazâsında Karabağı nâm karye sınırı dâhilinde vâki‘ lede’l-ahâlî ma‘lûmetü’l-hudûd taht-ı tasarrufumda olan on kıt‘a tarlalarımın hakk-ı tasarrufunu sâhib-i arz ma‘rifetiyle yedi bin akçe bedel mukābelesinde merkūm İbrahim’e ferâğ ve tefvîz ol dahi vech-i muharrer üzre tefevvuz ve kabûl eyledikden sonra sâlifü’z-zikr tarlaları mahallinde zabt ve tasarrufa merkūm İbrahim taslît eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâdis min Şa‘bâni’l-mu‘azzam li sene selâse ve seb‘în ve elf Şuhûdü’l-hâl: Ahmed Yazıcı b. Mehmed, Mustafa Çelebi b. Receb, Âbid b. Mustafa, Emrullah b. Mehmed ve gayruhüm.