Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 82 Hüküm no: 52 Orijinal metin no: [8a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İsteryo’nun Nikola’ya kiraladığı güğümleri süresi bitiminde geri alması Mahrûsa-i Galata’da sâkin bakkal tâifesinden İsteryo v. Yorgi nâm zimmî meclis-i şer‘-i hatîr-i lâzımü’t-tevkīrde sütçü tâifesinden işbu hâmilü’s-sifr Nikola v. Yani nâm zimmî muvâcehesinde bi tav‘ihî ikrâr ve takrîr-i kelâm edip bundan akdem silk-i mülkümde münselik olan iki aded bakır güğümlerimi müddet-i mu‘ayyene tamâmına değin ücret-i ma‘lûme ile merkūm Nikola’ya îcâr ve teslîm edip ol dahi vech-i muharrer üzre istîcâr ve tesellüm ve kabz etmişdi, el-hâletü hâzihî müddet-i icâre tamâm olmağla sâlifü’z-zikr güğümleri merkūm Nikola’nın yedinden ahz ü kabz eyledim dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Tahrîren fi’l-yevmi’l-hâmis min Şa‘bâni’l-mu‘azzam li sene selâse ve seb‘în ve elf Şuhûdü’l-hâl: Mehmed Çavuş b. Ali el-Mübâşir, Mehmed Odabaşı b. Abdullah, Musa Beşe b. Receb, Ahmed Yazıcı b. Mehmed, Abdülbâkī Ağa b. Hüseyin, Muharrem b. Receb, Hasan b. Bayezid, Âbid b. Mustafa, el-Hâc Cafer b. Yakub, Hasan b. Bayezid