Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 85 Hüküm no: 57 Orijinal metin no: [8b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. El-Hâc Mehmed b. Ali’nin cariyesi Lâlegül’ü vasiyet yoluyla azat etmesi Mahmiye-i Galata dâhilinde Yolcuzâde mahallesinde sâkin el-Hâc Mehmed b. Ali nâm kimesne meclis-i şer‘-i hatîr-i lâzımü’t-tevkīrde kendiye rıkkıyyeti mu‘terife olan çatık kaşlı gök gözlü orta boylu Rusiyyetü’l-asl râfi‘atü hâzihi’l-vesîka Lâlegül bt. Abdullah nâm câriye-i memlûkesi mahzarında ikrâr-ı tâm ve takrîr-i kelâm edip mevsûfe-i mezbûre Lâlegül’ü tedbîr-i sahîh-i mukayyed ile müdebbere eyledim bi emrillâhi te‘âlâ dâr-ı dünyâdan saray-ı ukbâya irtihâl eylediğimde mevsûfe-i mezbûre vefâtımdan kırk gün mukaddem mezheb-i muhtâr üzre cemî‘-i malımdan sâir harâir-i asliyyât gibi hürre olsun dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’l-âşir min Şa‘bâni’l-mu‘azzam li sene selâse ve seb‘în ve elf Şuhûdü’l-hâl: Musa Efendi b. el-Hâc Mehmed el-İmâm, Nasuh Efendi b. Yusuf el-Kadı, Osman b. Hüseyin, Musa b. İsa, Mehmed b. Mehmed el-Müezzin, Şaban Bey b. Ali, Mustafa b. Bâli, Mustafa b. el-ma‘rûf bi İbşirli, Ahmed Yazıcı b. Mehmed, Âbid b. Mustafa, Siyavuş b. Abdullah ve gayruhüm