Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 94 Hüküm no: 66 Orijinal metin no: [11a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed b. Mehmed’i esaretten kurtaran Kapudân Andriye’ye borcu olduğunu ikrarı Vilâyet-i Rumeli’nde Zağra-i Atîk nâm kasaba sâkinlerinden Ahmed b. Mehmed nâm kimesne meclis-i şer‘-i hatîr-i lâzımü’t-tevkīrde işbu râfi‘ü’s-sifr Andriye Kapudân v. Gabril nâm müste’men muvâcehesinde bi’t-tav‘i’s-sâf ikrâr-ı tâm ve takrîr-i kelâm edip târih-i kitâbdan iki buçuk sene mukaddem Malta keferesinden Karlo nâm harbî beni esîr edip zindanda mahbûs iken bundan akdem mezbûr Andriye Kapudân emrim ile merkūm Karlo’ya iki yüz iki buçuk tâmmü’l-vezn ve sahîhü’l-ayâr riyâlî guruş verip beni tahlîs edip el-hâletü hâzihî meblağ-ı mezbûr iki yüz iki buçuk tâmmü’l-vezn ve sahîhü’l-ayâr riyâlî guruş minvâl-i meşrûh üzre mezbûr Andriye Kapudân’a zimmetimde lâzımü’l-edâ ve vâcibü’l-kazâ deynimdir dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Hurrire fi’l-yevmi’s-sâdis ve’l-ışrîn min Şa‘bâni’l-mu‘azzam li sene selâse ve seb‘în ve elf Şuhûdü’l-hâl: Es-Sâbıkūn.