Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 95 Hüküm no: 68 Orijinal metin no: [11a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Burak Bey b. Mehmed’i esaretten fidye vererek kurtaran Kapudân Andriye’ye borcu olduğunu ikrarı Vilâyet-i Anadolu’da vâki‘ Sis kazâsına tâbi‘ Kuyrukdöğen nâm karyeden olup erbâb-ı timardan Burak Bey b. Mehmed nâm kimesne meclis-i şer‘-i hatîr-i lâzımü’t-tevkīrde işbu râfi‘ü’s-sifr Kapudân Andriye v. Gabril nâm müste’men muvâcehesinde bi’t-tav‘i’s-sâf ikrâr-ı tâm ve takrîr-i kelâm edip târih-i kitâbdan on sene mukaddem Malta keferesinden Fransız Mosiler nâm harbî beni esîr edip zindanda mahbûs iken bundan akdem mezbûr Kapudân Andriye emrim ile merkūm Fransız Mosiler’e dokuz yüz doksan tâmmü’l-vezn ve sahîhü’l-ayâr riyâlî guruş verip beni tahlîs etmişidi el-hâletü hâzihî meblağ-ı mezbûr dokuz yüz doksan tâmmü’l-vezn ve sahîhü’l-ayâr riyâlî guruş minvâl-i meşrûh üzre mezbûr Kapudân Andriye’ye zimmetimde lâzımü’l-edâ ve vâcibü’l-kazâ deynimdir dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Şuhûdü’l-hâl: Es-Sâbıkūn.