Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 96 Hüküm no: 69 Orijinal metin no: [11a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yakalanan kaçak cariye için nafaka tayini Mahmiye-i Galata’da bi’l-fi‘l voyvoda ve zâbit-i âbık olan fahrü’l-akrân Siyavuş Ağa’nın kethüdâsı ve tarafından sâbitü’l-vekâle vekîli olan İsmail Ağa meclis-i şer‘-i hatîr-i lâzımü’t-tevkīrde takrîr-i kelâm ve ta‘bîri ani’l-merâm edip işbu hâzıra bi’l-meclis orta boylu açık kaşlı sarı elâ gözlü Moskoviyyetü’l-asl ( ) nâm câriye târih-i kitâb günü kasaba-i Kasımpaşa’da ahz olunup hâlâ kıbel-i şer‘-i şerîfden nafaka takdîr olunması matlûbumdur dedikde kıbel-i şer‘den mevsûfe-i mezbûre için yevmî onar akçe nafaka takdîr olunmağın mâ vaka‘a bi’t-taleb ketb olundu. Hurrire fi’l-yevmi’s-sâdis ve’l-ışrîn min Şa‘bâni’l-mu‘azzam li sene 1073 Şuhûdü’l-hâl: Mustafa Çelebi b. Receb, Hüseyin b. Abdullah, Muharrem b. İbrahim, Âbid b. Mustafa ve gayruhüm