Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 100 Hüküm no: 76 Orijinal metin no: [11a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bogos v. Melkon’un Oruç Beşe b. Halil’e borcu olduğunu kabul etmesi İşbu râfi‘ü’s-sâhîfe Oruc Beşe b. Halil meclis-i şer‘-i şerîfde Bogos v. Melkon nâm Ermeni muvâcehesinde üzerine takrîr ve da‘vâ edip mezbûr Bogos zimmetinde cihet-i karz-ı şer‘îden altı aded sikke-i hasene hakkım vardır hâlâ taleb ederim suâl olunsun dedikde gıbbe’s-suâl merkūm Bogos cevâbında fi’l-vâki‘ müdde‘î-i mezbûre cihet-i mezkûreden altı aded sikke-i hasene zimmetimde deynimdir deyû ikrâr ve i‘tirâf etmeğin alâ mûceb-i i‘tirâfihî meblağ-ı mezbûr altı aded sikke-i haseneyi müdde‘î-i merkūma edâ ve teslîme mezkûr Bogos’a ba‘de’t-tenbîh mâ vaka‘a bi’t-taleb ketb olundu. Fi’l-yevmi’s-sânî min şehri Ramazâni’l-mübârek li sene selâse ve seb‘în ve elf Şuhûdü’l-hâl: Mustafa Çelebi b. Receb, Musa Bey Ser-bölük, el-Hâc Cafer el-Muhzır, Emrullah el-Muhzır ve gayruhüm mine’l-huzzâr