Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 100 Hüküm no: 77 Orijinal metin no: [11a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Mustafa’nın İstali v. Yorgi ve kardeşinin kendisini dövdüğünü ispat edememesi Tersâne-i âmire kayıkçılarından Mehmed b. Mustafa nâm kimesne mahfil-i kazâda simitçi tâifesinden işbu hâmilü’s-sifr İstali v. Yorgi nâm zimmî muvâcehesinde üzerine da‘vâ ve takrîr-i kelâm edip târih-i kitâb günü mahrûsa-i Galata hâricinde vâki‘ mekābir-i müslimînde merkūm İstali ile karındaşı gāib ani’l-meclis Kostantin nâm zimmîler beni yumruk ile darb etmişlerdir, merkūmdan suâl olunup mûceb-i şer‘îsi icrâ olunmak matlûbumdur dedikde gıbbe’s-suâl ve akībe’l-inkâr mezbûrdan müdde‘âsını mübeyyine beyyine taleb olundukda ityân-ı beyyineden izhâr-ı acz edip tahlîfe dahi tâlib olmamağın mûcebiyle müdde‘î-i merkūm bî-vech mu‘ârazadan men‘ birle mâ vaka‘a bi’t-taleb ketb olundu. Tahrîren fî gurreti şehri Ramazâni’l-mübârek li sene selâse ve seb‘în ve elf Şuhûdü’l-hâl: Hüseyin b. Abdullah, Mustafa b. Receb, Muharrem b. Receb, Hüseyin b. Bayezid, Hüseyin b. Mirza ve gayruhüm