Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 103 Hüküm no: 81 Orijinal metin no: [12a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Meryem bt. İbrahim’in eşi Mehmed b. Mehmed’den muhâlaa yoluyla boşanması Mahmiye-i Galata’da Okçu Musa mahallesinde sâkine Meryem bt. İbrahim nâm hâtun meclis-i şer‘-i hatîr-i lâzımü’t-tevkīrde zevci işbu râfi‘ü’l-kitâb Mehmed b. Mehmed nâm kimesne mahzarında ikrâr ve i‘tirâf edip mezbûr Mehmed’in zimmetinde mütekarrir olan üç bin akçe mehr-i müeccelimden ve nafaka-i iddetimden ve me’ûnet-i süknâmdan fâriğa olmak üzre mezbûr Mehmed ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl eyledikden sonra zevciyyete müte‘allika âmme-i da‘vâdan mezbûr Mehmed’in zimmetini ibrâ ve iskāt eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sânî min şehri Ramazâni’l-mübârek li sene selâse ve seb‘în ve elf Şuhûdü’l-hâl: Mehmed Çelebi b. el-Hâc Musa, İbrahim Beşe b. Mehmed, Mehmed Çelebi b. İbrahim, Zülfikār b. İbrahim ve gayruhüm.