Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 103 Hüküm no: 82 Orijinal metin no: [12a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kocasından haber alınmayan Râbia bt. Seyyid Osman adlı kadına nafaka takdir edildiği Mahmiye-i Galata mahallâtından Alaca mescid mahallesinde sâkine olan Râbia bt. Seyyid Osman nâm hâtun meclis-i şer‘-i şerîf ve mahfil-i dîn-i münîf el-masûn ani’t-tağyîr ve’t-tahrîfe hâzıra olup Hamza nâm gāib zevcinin kendisine nafaka cinsinden bir şey ve kisve bırakmadığına ve göndermediğine Allâhü te‘âlâ adına yemîn ettiğinde hâkim-i muvakki‘ a‘lâ hâze’l-kitâb, mezbûrenin nafakası, kisvesi ve sâir havâic-i lâzımesi için zeyilde mezkûr târihden i‘tibâren gāib-i mezbûr zevci üzerine râyicü’l-vakt sekiz akçe farz ve takdîr etti. Hâkim-i mûmâ-ileyh sonra meblağ-ı mefrûz-i mezbûru kendi havâicine sarfına ve vakt-i hâcetde istidâne edip lede’z-zafer zevc-i gāibine rücû‘una merkūme Râbia’ya izin verdi. Cerâ zâlike ve hurrire fi’l-yevmi’s-sâlis min şehri Ramazâni’l-mübârek sene 1073. Şuhûdü’l-hâl: Seyyid Mehmed Efendi b. Seyyid Ali, Musa b. Receb, Mustafa b. Receb, Mehmed b. Hasan, Musa Küçük