Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 104 Hüküm no: 84 Orijinal metin no: [12a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bogos v. Melkon’un Mehmed b. Ahmed’e üzüm bedelinden borcu olduğunu kabul etmesi Mahmiye-i İstanbul’da Balkapanı kurbunda sâkine işbu râfi‘ü’l-kitâb Mehmed b. Ahmed nâm kimesne meclis-i şer‘-i hatîr-i lâzımü’t-tevkīrde Bogos v. Melkon nâm Ermeni muvâcehesinde üzerine da‘vâ ve takrîr-i kelâm edip mezbûr Bogos zimmetinde vakıyyesi beynimizde ilm-i şer‘î ile ma‘lûm üzüm bahâsından iki bin yüz altmış akçe hakkım vardır hâlâ taleb ederim suâl olunsun dedikde gıbbe’s-suâl mezbûr Bogos cevâbında fi’l-vâki‘ müdde‘î-i mezbûre zikr olunan üzüm bahâsından zimmetimde iki bin yüz altmış akçe lâzımü’l-edâ ve vâcibü’l-kazâ deynim vardır deyû bi tav‘ihî ikrâr ve i‘tirâf etmeğin alâ mûceb-i i‘tirâfihî meblağ-ı mezbûr iki bin yüz altmış akçeyi müdde‘î-i mezbûre edâ ve teslîme mezbûr Bogos’a tenbîh birle mâ vaka‘a bi’t-taleb ketb olundu. Fi’l-yevmi’s-sânî min şehri Ramazâni’l-mübârek li sene selâse ve seb‘în ve elf Şuhûdü’l-hâl: Musa b. Receb, Mustafa b. Receb, Ahmed Yazıcı b. Mehmed, Âbid b. Mustafa, Emrullah b. Mehmed, Hüseyin b. Abdullah, ve gayruhüm.