Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 700 Hüküm no: 903 Orijinal metin no: [107b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa Beşe b. Abdi’nin, İbrahim Çavuş b. Abdülgani’den alacaklı olduğu Mahmiye-i İstanbul’da Kavruk Mahmud mahallesinde sâkin Mustafa Beşe b. Abdi nâm kimesne meclis-i şer‘-i hatîr-i lâzımü’t-tevkīrde İbrahim Çavuş b. Abdülganî nâm kimesne mahzarında üzerine da‘vâ ve takrîr-i kelâm edip merkūm İbrahim Çavuş zimmetinde cihet-i karz-ı şer‘îden yüz yetmiş beş esedî [guruş] hakkım olmağın meblağ-ı mezbûru taleb ettiğimde vermede ta‘annüd eder suâl olunup alıverilmesi matlûbumdur dedikde gıbbe’s-suâl merkūm İbrahim Çavuş cevâbında fi’l-vâki‘ müdde‘î-i merkūm Mustafa Beşe mezbûrdan zimmetimde vâcibü’l-edâ ve lâzımü’l-kazâ yüz yetmiş beş esedî guruş deynim vardır deyû bi tav‘ihî ikrâr etmeğin mûcebince meblağ-ı mezbûru müdde‘î-i merkūm Mustafa Beşe’ye edâ ve teslîme merkūm İbrahim Çavuş’a tenbîh birle mâ hüve’l-vâki‘ bi’t-taleb ketb olundu. Fi’l-yevmi’t-tâsi‘ aşer min Ramazâni’l-mübârek li sene seb‘a ve seb‘în ve elf. Şuhûdü’l-hâl: Veli Çavuş b. Yusuf el-Hekim, Mehmed Çavuş b. İbrahim, Mustafa b. Yusuf, Mehmed b. Ramazan, Süleyman Çelebi b. Hasan.