Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 700 Hüküm no: 904 Orijinal metin no: [108a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Odabaşı Mehmed Beşe’nin, parasını çalıp kaçan kölesini ve çalınan parasını getirmesi için Ömer Beşe b. Mehmed’i vekil tayin ettiği Dergâh-ı âlî -dâme mahfûfen bi’l-me‘âlî- yeniçerilerinden altmış birinci cemâ‘atine mahsûs odada hâlâ odabaşı olan Mehmed Beşe b. Mustafa nâm kimesne mahfil-i kazâda Ömer Beşe b. Mehmed nâm kimesne mahzarında ikrâr ve takrîr-i kelâm edip abd-i memlûküm olan uzun boylu, sarı gözlü, sarı kaşlı, boğazı altında cerh eseri olup üst ön dişleri siyah ve çürük olan Rûsiyyü’l-asl Hasan b. Abdullah bundan akdem beş yüz esedî guruşumu ahz edip firâr ettikden sonra medîne-i Bağdad’da Kenan nâm kimesnenin yanına varıp meblağ-ı mezbûru mezbûr Kenan’a vermekle hâlâ mevsûf-ı mezbûr ile meblağ-ı mersûmu mezbûr Kenan’dan taleb [ve] ahz ve kabza ve bana mütevakkıf umûrun cümlesine tarafımızdan vekîl ve nâib-i menâbıma nâib nasb ve ta‘yîn eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâmin aşer min Ramazâni’l-mübârek li sene seb‘a ve seb‘în ve elf. Şuhûdü’l-hâl: Ahmed Ağa b. Osman, Ahmed? b. Tatar Ali, Veli b. ( ), Mehmed b. Ramazan.