Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 114 Hüküm no: 98 Orijinal metin no: [14b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani v. İstirati’nin Yani v. Yorgi’den haksız yere aldığı parayı iade etmesi gerektiği Mahmiye-i Galata’da peksimetçi tâifesinden işbu râfi‘ü’s-sifr Yani v. Yorgi nâm zimmî meclis-i şer‘de diğer Yani v. İstirati nâm zimmî muvâcehesinde üzerine da‘vâ ve takrîr-i kelâm edip bundan akdem mezbûr diğer Yani sende iki bin akçe hakkım vardır deyû beni patriğe götürüp bi gayr-ı vech-i şer‘î iki bin akçemi ahz eylemişdir, hâlâ mezbûrdan suâl olunup alıverilmesi murâdımdır dedikde gıbbe’s-suâl mezbûr Yani cevâbında fi’l-vâki‘ müdde‘î-i mezbûru vech-i muharrer üzre patriğe getirip bi gayr-ı vech-i şer‘î iki bin akçesin ahz ü kabz eylediğini bi tav‘ihî ikrâr ve i‘tirâf etmeğin alâ mûcebi i‘tirâfihî meblağ-ı mezbûr iki bin akçeyi müdde‘î-i mezbûre edâ ve teslîme mezbûr Yani’ye tenbîh birle mâ vaka‘a bi’t-taleb ketb olundu. Fî 8 Ramazân sene 1073 Şuhûdü’l-hâl: Musa [b.] Receb, Mustafa Çelebi [b.] Receb, Emrullah [b.] Mehmed, el-Hâc Cafer [b. ] Yakub.