Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 119 Hüküm no: 106 Orijinal metin no: [15b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nikola v. Yani’nin çırağı Yani v. Dimitri ile ahlaksızlık yapmadıklarının şahitlerin beyanıyla tespit edildiği Mahmiye-i Galata dâhilinde topakçı tâifesinden bâ‘isü hâze’l-kitâb Nikola v. Yani nâm zimmî meclis-i şer‘-i hatîr-i lâzımü’t-tevkīrde çizmeci tâifesinden Agop v. Serkis nâm Ermeni muvâcehesinde takrîr-i kelâm ve bast-ı merâm edip mezbûr Agop bana tilmîzim olup işbu hâzır bi’l-meclis olan Yani v. Dimitri nâm şâbb-ı emred ile sen ef‘al-i şenî‘a üzresin deyû ifk u iftirâdan hâlî olmamağla benim keyfiyyet-i hâlim ahâlî hırfetimden olan müslim ve zimmîlerden suâl olunsun dedikde ahâlî-i hırefimden olan Mehmed b. Ahmed ve Musli b. Hızır ve Mustafa b. İbrahim ve Ahmed b. Mehmed nâm müslimûn ile Kostantin v. Yorgi ve Cani v. Yorgi nâm zimmîler meclis-i şer‘a hâzırûn olup istihbâr olunduklarında fi’l-vâki‘ mezbûr Nikola tilmîzi olan hâzır-ı merkūm Yani kendi hâlleri ile mukayyed olup bu âna değin mezbûrândan hilâf-ı şer‘ bir vaz‘ sâdır olmuş değildir deyû mezbûrânın hüsn-i hâllerini her biri alâ tarîki’ş-şehâde haber verdikde mâ vaka‘a bi’t-taleb ketb olundu. Fi’l-yevmi’s-sâmin min şehri Ramazâni’l-mübârek sene 1073 Şuhûdü’l-hâl: Mustafa b. Receb, Ahmed Yazıcı b. Mehmed, Musa b. Receb, Emrullah b. Mehmed, Hüseyin b. Receb.