Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 143 Hüküm no: 141 Orijinal metin no: [18b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. El-Hâc Ahmed Ağa b. Hasan’ın İftihar bt. Abdullah isimli cariyesini azletmesi Mahrûsa-i Galata’da Bereketzâde mahallesinde sâkin el-Hâc Ahmed Ağa b. Hasan meclis-i şer‘-i hatîrde ikrâr ve takrîr-i kelâm edip işbu açık kaşlı gök elâ gözlü orta boylu Rusiyyetü’l-asl hâmiletü hâze’l-kitâb İftihâr bt. Abdullah nâm câriye-i memlûkemi hasbeten lillâhi te‘âlâ ve taleben li merzâti rabbihi’l-a‘lâ malımdan ifrâz edip i‘tâk ve tahrîr ve sâir harâir-i asliyyâta ilhâk eyledim min ba‘d sâir harâir-i asliyyât gibi hürre olup üzerinde velâdan gayrı hakk ve alâkam kalmadı dedikde mâ vaka‘a bi’t-taleb ketb olundu. Fi’l-yevmi’l-hâmis ve’l-ışrîn min şehri Ramazâni’l-mübârek li sene selâse ve seb‘în ve elf Şuhûdü’l-hâl: Mehmed Efendi b. Mehmed el-İmâm, Mahmud Çelebi b. Murtaza, Ahmed Yazıcı b. Mehmed, Mehmed b. Mirza, Mustafa Çelebi b. Receb.