Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 144 Hüküm no: 144 Orijinal metin no: [19a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sefine Reisi Receb Reis’in şaykasını Preşkova’ya satmaktan vazgeçmesi Sefîne reislerinden Receb Reis b. Mahmud mahfil-i kazâda Preşkova v. Yani nâm zimmî muvâcehesinde ikrâr ve takrîr-i kelâm edip silk-i mülkümde münselik olup hâlâ mahmiye-i Galata hâricinde Kalafatyeri önünde merbût olan on sekiz zirâ‘ şayka ta‘bîr olunur sefînemi târih-i kitâbdan üç gün mukaddem yetmiş üç bin akçeye merkūm Preşkova Reis’e bâtten bey‘ ve teslîm etmişdim hâlâ rızâm ile bey‘-i mezkûru ikāle etmeğin sefîne-i merkūme ke’l-evvel dâhil-i mülküm olup min ba‘d sefîne-i mezbûrede Preşkova’nın alâkası kalmamışdır dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’l-ışrîn min Ramazâni’l-mübârek li sene selâse ve seb‘în ve elf Şuhûdü’l-hâl: Mustafa b. Receb, Musa b. Receb, Mustafa Kapudân b. Musa, Emrullah b. Mehmed.