Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 152 Hüküm no: 156 Orijinal metin no: [20b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Cafer Yazıcı b. Abdullah’ın Müstecab b. Süleyman’a borcu olduğunun tespiti Pazarcı işbu bâ‘is‘ü’l-kitâb Müstecâb b. Süleyman nâm kimesne meclis-i şer‘-i hatîr-i lâzımü’t-tevkīrde Cafer Yazıcı b. Abdullah nâm kimesne mahzarında üzerine da‘vâ ve takrîr-i kelâm edip bundan akdem mezbûr Cafer Yazıcı ile pazarcılıkda şerîkler olup fesh-i akd-i şirket eylediğimizde ba‘de külli hesâb mezbûr Cafer Yazıcı zimmetinde bin beş yüz akçe hakkım zuhûr etmeğin meblağ-ı mezbûr bin akçeyi mezbûr Cafer Yazıcı’dan taleb ederim suâl olunup alıverilmesi matlûbumdur dedikde gıbbe’s-suâl mezbûr Cafer Yazıcı cevâbında fi’l-vâki‘ müdde‘î-i mezbûr Müstecâb ile zikr olunan pazarcılık san‘atında şerîkler olup fesh-i akd-i şirket eylediğimizde ba‘de külli hesâb mezbûr Müstecâb zimmetinde bin beş yüz akçe hakkım zuhûr edip lâkin meblağ-ı mezbûr bin beş yüz akçeyi mezbûr Müstecâb’a tamâmen edâ ve teslîm eyledim deyû def‘le mukābele edicek gıbbe’l-istintâk ve’l-inkâr müdde‘î-i mezbûrdan def‘-i mezbûrunu mübeyyine beyyine taleb olundukda ityân-ı beyyineden izhâr-ı acz ile istihlâf etmeğin vech-i muharrer üzre müdde‘î-i mezbûrun yedinden meblağ-ı mezbûr bin beş yüz akçeyi tamâmen ahz ü kabz eyledikde mezbûr Müstecâb’a yemîn teklîf olundukda ol dahi alâ vefki’l-mes’ûl yemîn billâhi’l-aliyyi’l-a‘lâ etmeğin mûcebince meblağ-ı mezbûru edâ ve teslîme mezbûr Cafer’e tenbîh birle mâ vaka‘a bi’t-taleb ketb olundu. Fi’l-yevmi’t-tâsi‘ ve’l-ışrîn min şehri Ramazâni’l-mübârek li sene selâse ve seb‘în ve elf Şuhûdü’l-hâl: Mustafa b. Receb, Musa b. Receb, Hüseyin b. Abdullah ve gayruhüm.