Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 153 Hüküm no: 158 Orijinal metin no: [20b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şah Zamane adlı hanımın cüz vakfının mütevelliliğine Hüseyin Çelebi’nin getirildiği Mahmiye-i Galata hâricinde Azebkapısı’nda vâki‘ merhûm Şehîd Mehmed Paşa câmi‘i’nde merhûme Şah Zamâne nâm hâtunun eczâ-i şerîfesinin sâbıkan mütevellîsi olan Musa Efendi b. el-Hâc Receb nâm kimesne tevliyyet-i mezbûrenin uhdesinden gelmeğe iktidârı olmadığı ecilden hizmet-i merkūme hâlî ve mu‘attal kalmağın mezbûr ref‘ olunup râfi‘u hâze’l-kitâb Hüseyin Çelebi b. İsmail nâm kimesne her vechile mahal ve müstahık olup hizmet-i merkūmenin uhdesinden gelmeğe kādir kimesne olmağın hâkim-i sadr-ı kitâb tûbâ ve hüsnü-me’âb hazretleri dahi tevliyyet-i merkūmeyi mezbûr Hüseyin Çelebi’ye yevmî iki akçe vazîfe ile tevcîh etmeğin mâ vaka‘a bi’t-taleb ketb olundu. Hurrire fi’l-yevmi’s-sâdis ve’l-ışrîn min şehri Ramazâni’l-mübârek li sene selâse ve seb‘în ve elf Şuhûdü’l-hâl: Mehmed Çelebi [b.] el-Hâc Mehmed, el-Hâc Mehmed b. Ömer, Mehmed Çelebi b. İbrahim, Musa b. Receb, Mustafa b. Receb, Musa b. Receb ve gayruhüm