Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 158 Hüküm no: 166 Orijinal metin no: [21b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yeniçeri Ramazan Beşe b. Ali’nin Adim v. Perakop’daki alacağı kalmaması Dergâh-ı âlî yeniçerilerinin kırk dördüncü ağa bölüğüne mahsûs oda yoldaşlarından Ramazan Beşe b. Ali nâm râcil mahfil-i kazâda işbu râfi‘ü’l-kitâb Adim v. Perakop nâm zimmî muvâcehesinde ikrâr ve takrîr-i kelâm edip mezbûr Adim zimmetinde cihet-i karzdan yedi bin akçe hakkım olmağla bundan akdem meblağ-ı mezbûru zimmî-i merkūmun yedinden bi’t-tamâm ve’l-kemâl ahz ü kabz edip min ba‘d meblağ-ı mezbûrdan merkūm Adim zimmî zimmetinde bir akçe ve bir habbe hakkım kalmamışdır dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fî 4 Şevvâl sene 1073 Şuhûdü’l-hâl: Üstâd Mirza Mahmud, Mustafa Çelebi [b.] Mirza, nalçacı İbrahim Çelebi, Ramazan Çelebi Hekîmzâde, Ahmed [b.] Abdullah, Mustafa [b.] Receb, Musa [b.] Receb