Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 161 Hüküm no: 171 Orijinal metin no: [22a-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hatice ve Musa’nın muhâlaa yoluyla boşandıkları Dâhil-i mahmiye-i Galata mahallâtından Yolcuoğlu mahallesinde sâkine olan Hatice bt. İslâm nâm hâtun meclis-i şer‘-i şerîf ve mahfil-i dîn-i münîf el-masûn ani’t-tağyîr ve’t-tahrîfe hâzıra olup hâmil-i hâze’l-kitâb Musa b. İbrahim nâm zevci ile hul‘ eyledi zevc-i mezbûr Musa da nikâhında ma‘kūdun aleyh olan râyicü’l-vakt yedi yüz akçe mehr-i müecceli, aralarında ma‘lûm ve mu‘ayyen iddet nafakası ve me’ûnet-i süknâsı mukābilinde merkūme Hatice ile muhâla‘a yaptı mezbûre Hatice bu sûretle yeni bir nikâh kıyılmadan ve mehir verilmeden zevc-i mezbûruna helâl olmayacak şekilde ondan ayrılmış oldu. Sonra her biri hukūk-ı zevciyyete müte‘allik cemî‘-i de‘âvîden diğerinin zimmetini kat‘-ı nizâ‘ ve ref‘-i husûmet edecek şekilde ibrâ eyledi. Cerâ zâlike ve hurrire fi’l-yevmi’s-sâdis ve’l-ışrîn min şehri Ramazâni’l-mübârek sene selâse ve seb‘în ve elf. Şuhûdü’l-hâl: Ahmed Yazıcı b. Mehmed, Musa b. Receb, Mustafa Çelebi b. İbrahim, Hasan b. Yahya, Hüseyin b. Mirza