Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 64 Hüküm no: 24 Orijinal metin no: [5a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nazlı bt. Abdullah’ın kocası el-Hâc Mehmed’e borcu olduğu Mahmiye-i İstanbul hısnı ebvâbından Cebeali kapısı dâhilinde vâki‘ Seferikoz Mahallesi’nde sâkine Nazlı bt. Abdullah nâm hatun mahfil-i kazâda zevci işbu bâ‘isü’l-kitâb el-Hâc Mehmed b. el-Hâc Ahmed ed-Demhurî? mahzarında ikrâr u i‘tirâf [edip] mahalle-i mezbûrda hâlâ sâkine olduğum menzilim harâba müşrif olmağla kābil-i süknâ olmayıp imâret ve meremmete muhtâc olmağla zevcim mezbûr, merkūm el-Hâc Mehmed’den yedi bin nakd-i râyic fi’l-vakt fıddî akçe ikrâz ve tesellüm edip ol meblağ ol menzil-i mezbûru imâret ve meremmet eylemişdim, hâlâ meblağ-ı merkūm yedi bin akçe cihet-i karz-ı şer‘îden zevcim merkūm el-Hâc Mehmed’e el-ân zimmetimde vâcibü’l-e[dâ] deynimdir dedikde mukırra-i mezbûre Nazlı’yı vech-i meşrûh üzere cârî ve sâdır olan ikrâr u i‘tirâfında el-mukırru lehü’l-merkūm el-Hâc Mehmed vicâhen tasdîk ve şifâhen tahkīk etmeğin mâ-hüve’l-vâki‘ gıbbe’t-taleb kayd şüd. Fi’t-târîhi’l-mezbûr. Şuhûdü’l-hâl: Sadi Çelebi b. Kasım, Ahmed b. Süleyman, el-Hâc Ebûbekir b. Yahya, el-Hâc Süleyman b. Mehmed ve gayruhum mine’l-huzzâr.