Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 706 Hüküm no: 912 Orijinal metin no: [108b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rahime bt. Ali’nin, Fâtıma bt. el-Hâc Yusuf’tan alacaklı olduğu Mahmiye-i İstanbul’da Karabaş mahallesinde sâkine bâ‘isetü’l-kitâb Rahime bt. Ali nâm hâtun meclis-i şer‘-i şerîf ve mahfil-i dîn-i münîf-i Muhammedî’de Fâtıma bt. el-Hâc Yusuf mahzarında üzerine da‘vâ ve takrîr-i kelâm edip mezbûr Fâtıma zimmetinde deyn-i şer‘îden iki yüz yirmi guruş hakkım vardır suâl olunup alıverilmek matlûbumdur dedikde gıbbe’s-suâl mezbûre Fâtıma cihet-i mezbûrdan müdde‘iyye-i mezbûre zimmetinde vâcibü’l-edâ ve lâzımü’l-kazâ iki yüz yirmi guruş deyni olduğunu tâyi‘aten ikrâr ve i‘tirâf etmeğin mûcebince meblağ-ı mezbûru müdde‘iyye-i mezbûreye edâya merkūme Fâtıma’ya tenbîh olunmağın mâ hüve’l-vâki‘ bi’t-taleb ketb olundu. Fi’l-yevmi’s-sâbi‘ min şehri Ramazâni’l-mübârek li sene seb‘a ve seb‘în ve elf. Şuhûdü’l-hâl: İbrahim Çelebi b. Halil, Mehmed Çelebi b. ( ) el-Müezzin, Ali Efendi el-İmâm, Mehmed Çelebi b. Mustafa, Yusuf Beşe b. Abdullah.