Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 169 Hüküm no: 183 Orijinal metin no: [24a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Beher v. Bedros’un Kirkor v. Ovannes’e borcu olduğunu kabul etmesi Mahmiye-i Galata’da Sultan Bayezid mahallesinde sâkin işbu râfi‘ü’l-kitâb Kirkor v. Ovannes nâm Ermeni mahfil-i kazâda Beher v. Bedros nâm Ermeni muvâcehesinde üzerine da‘vâ ve takrîr-i kelâm edip mezbûr Hiba zimmetinde cihet-i karz-ı şer‘îden sekiz yüz akçe hakkım olup taleb eylediğimde edâdan imtinâ‘ eder suâl olunup alıverilmesi matlûbumdur dedikde gıbbe’s-suâl mezbûr Hiba cevâbında fi’l-vâki‘ müdde‘î-i mezbûre cihet-i merkūmeden sekiz yüz akçe zimmetimde lâzımü’l-edâ ve vâcibü’l-kazâ deynim vardır deyû bi tav‘ihî ikrâr ve i‘tirâf etmeğin mûcebiyle meblağ-ı mezbûru müdde‘î-i merkūma edâ ve teslîme mersûm Beher’ya tenbîh birle mâ vaka‘a bi’t-taleb ketb olundu. Tahrîren fi’l-yevmi’l-hâmis min Şevvâli’l-mükerrem li sene selâse ve seb‘în ve elf Şuhûdü’l-hâl: Mustafa b. Receb, Muharrem b. Receb, Eyüb Bey b. Ser-muhzırân, Zülfikār b. İbrahim, Hüseyin b. Mirza ve gayruhüm.