Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 172 Hüküm no: 188 Orijinal metin no: [24b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rogate v. Yako’nun cariyesi Dora’yı sözleşme gereği azat etmesi Mahmiye-i Galata’da sâkin Sinyora cemâ‘atinden Rogate v. Yako nâm yahudi meclis-i şer‘-i hatîr-i lâzımü’t-tevkīrde kendiye rıkkıyyetini mu‘terife olan işbu orta boylu açık kaşlı gök elâ gözlü Rusiyyetü’l-asl bâ‘isetü hâzihi’l-vesîka Dora bt. Yuvan nâm câriye-i memlûkesi mahzarında ikrâr ve takrîr-i kelâm edip mevsûfe-i mezbûre yedinden dört bin üç yüz akçe ahz ü kabz eylediğimden sonra meblağ-ı mezbûr üzerine mevsûfe-i merkūmeyi tahrîr ve i‘tâk ve zümre-i harâir-i asliyyâta idrâc ve ilhâk eyledim ba‘de’l-yevm mevsûfe Dora sâir harâir-i asliyyât gibi hürre olup üzerinde velâ-i şer‘iyyeden gayrı hakkım kalmadı dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Hurrire fi’l-yevmi’s-sâmin min Şevvâli’l-mükerrem li sene 1073 Şuhûdü’l-hâl: El-Hâc Mehmed b. Receb, el-Hâc Mehmed b. Ali, Ahmed Çelebi b. Mustafa, Mustafa Çelebi b. Sinan, İbrahim Çelebi b. Mehmed, Musa b. Receb, Hüseyin b. Mirza, Yusuf b. Ramazan ve gayruhüm.