Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 177 Hüküm no: 195 Orijinal metin no: [25b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ramazan b. Abdullah’ın Ali Reis b. Mehmed’e borcu olduğunu kabul etmesi İşbu râfi‘ü’l-kitâb Ali Reis b. Mehmed nâm kimesne mahfil-i kazâda Kürkçü tâifesinden Ramazan b. Abdullah nâm kimesne mahzarında üzerine da‘vâ ve takrîr-i kelâm edip mezbûr Ramazan zimmetinde cihet-i karz-ı şer‘îden üç bin dokuz yüz kırk akçe hakkım olup taleb eylediğimde vermede ta‘allül eder suâl olunup alıverilmesi matlûbumdur dedikde gıbbe’s-suâl merkūm Ramazan cevâbında fi’l-vâki‘ müdde‘î-i merkūm Ali Reis’e cihet-i merkūmdan zimmetinde üç bin dokuz yüz kırk akçe lâzımü’l-edâ ve vâcibü’l-kazâ deynim vardır deyû ikrâr ve i‘tirâf etmeğin alâ mûceb-i i‘tirâfihî meblağ-ı mezbûru edâsıyla merkūm Ramazan’a ilzâm olunup mâ hüve’l-vâki‘ bi’t-taleb ketb olundu. Hurrire fi’l-yevmi’t-tâsi‘ min Şevvâli’l-mükerrem li sene selâse ve seb‘în ve elf Şuhûdü’l-hâl: Es-Seyyid Mehmed Kapudân b. es-Seyyid Mansur, Eyüb Ağa b. Ahmed, Mustafa b. Receb, Ahmed Yazıcı b. Mehmed ve gayruhüm mine’l-huzzâr.