Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 709 Hüküm no: 917 Orijinal metin no: [109a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hatice bt. Ahmed’in, İbrahim Çavuş b. Abdülgani’den muhâlaa yoluyla boşandığı Medîne-i Üsküdar mahallâtından Gülfem mahallesinde sâkin Hatice bt. Ahmed nâm hâtun meclis-i şer‘-i şerîf-i lâzımü’t-teşrîfde zevci râfi‘ü’l-kitâb İbrahim Çavuş b. Abdülganî mahzarında ikrâr ve takrîr-i kelâm edip zevcim merkūm İbrahim Çavuş zimmetinde mütekarrir ve ma‘kūdun-aleyh olan dört bin akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre merkūm İbrahim Çavuş ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl eyledikden sonra zevciyyete müte‘allika da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîk mâ hüve’l-vâki‘ bi’t-taleb ketb olundu. Fi’l-yevmi’t-tâsi‘ aşer min şehri Ramazâni’l-mübârek li sene seb‘a ve seb‘în ve elf. Şuhûdü’l-hâl: Ali Çavuş el-Mübâşir, Mustafa Çavuş [b.] Yusuf, Mehmed Çavuş b. İbrahim, Mehmed Çavuş [b.] Abdullah.