Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 712 Hüküm no: 920 Orijinal metin no: [109b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa Çavuş b. Mehmed’in, kendi borçlarını ödeyen karısı Hatice Hanım bt. Ali Paşa’ya borçlu olduğu Dârü’l-hilâfeti’l-aliyye Kostantıniyye el-mahmiyye’de Debbâğ Yunus mahallesi sükkânından Mustafa Çavuş b. Mehmed nâm kimesne meclis-i şer‘-i şerîf-i Ahmedî ve mahfil-i dîn-i münîf-i Muhammedî’de zevcesi bâ‘isetü’l-kitâb umdetü’l-muhadderât Hatice Hanım bt. Ali Paşa mahzarında ikrâr ve takrîr-i kelâm edip Ali Çelebi nâm kimesneye deynim olan üç yüz otuz esedî guruşunu ve Kadri Ağa’ya deynim olan iki yüz esedî guruşunu ve kumaşçı İsmail Çelebi’ye deynim olan iki yüz esedî guruşu emrim ile zevcem mûmâ-ileyhâ Hatice Hanım edâ etmekle cihet-i mezbûreden mûmâ-ileyhâ Hatice Hanım’a yedi yüz altmış esedî guruş ve cihet-i havâleden üç yüz yirmi esedî guruş ve cihet-i karzdan yüz on beş [guruş] min haysi’l-mecmû‘ mûmâ-ileyhâ Hatice Hanım’a zimmetimde vâcibü’l-edâ ve lâzımü’l-kazâ bin yüz doksan beş esedî guruş deynim vardır dedikde gıbbe’t-tasdîk mâ vaka‘a bi’t-taleb ketb olundu. Fi’l-yevmi’l-hâdî ve’l-ışrîn min şehri Ramazâni’l-mübârek li sene seb‘a ve seb‘în ve elf. Şuhûdü’l-hâl: Umdetü’l-müderrisîn Hasan Efendi, umdetü’l-müderrisîn Abdülbâkī Çelebi, Yusuf Çavuş b. el-Mübâşir, Mehmed Çelebi, b. Abdullah.