Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 716 Hüküm no: 924 Orijinal metin no: [110b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Abdülkādir Bey b. Ebî Kasım’ın, eşya satışından Mustafa Çavuş b. Mehmed’den alacaklı olduğu Dârü’l-hilâfeti’l-aliyye Kostantıniyye el-mahmiyye’de Karagümrük kurbunda Ali Paşa-yı Atîk mahallesi ahâlîsinden umdetü’l-eşbâh bâ‘isü’l-kitâb Abdülkādir Bey b. Ebî Kasım meclis-i şer‘-i şerîf-i Ahmedî ve mahfil-i dîn-i münîf-i Muhammedî’de Mustafa Çavuş b. Mehmed nâm kimesne mahzarında üzerine da‘vâ ve takrîr-i kelâm edip yedimden müşterâ ve makbûz beynimizde ma‘lûm eşyâ semeninden mezbûr Mustafa Çavuş zimmetinde hakkım olan bin yedi yüz esedî guruşun iki yüz otuz esedî guruşunu mezbûr Mustafa Çavuş bana edâ edip bâkī bin beş yüz esedî guruş hakkım zimmetinde kalmağın suâl olunup alıverilmek matlûbumdur dedikde gıbbe’s-suâl mezbûr Mustafa Çavuş kaziyye minvâl-i muharrer üzre olup cihet-i mezbûreden bâkī müdde‘î-i mezbûra zimmetinde vâcibü’l-edâ ve lâzımü’l-kazâ bin beş yüz esedî guruş deyni olduğunu tâyi‘an ikrâr etmeğin mûcebince meblağ-ı mezbûr bin beş yüz esedî guruşu müdde‘î-i mezbûra edâya merkūm Mustafa Çavuş’a tenbîh olunmağın mâ hüve’l-vâki‘ bi’t-taleb ketb olundu. Fi’l-yevmi’l-hâdî ve’l-ışrîn Şuhûdü’l-hâl: Umdetü’l-müderrisîn Hasan Efendi, umdetü’l-a‘yân Balık emîni Atâullah Ağa, Mehmed Bey b. Abdullah, Hasan Çelebi b. Ahmed.