Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 716 Hüküm no: 925 Orijinal metin no: [110b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. el-Hâc Mehmed b. Kenan’ın nalbantçılara kethüda tayin edildiği Dârü’l-hilâfeti’l-aliyye Kostantıniyye’[de] olan nalbant tâifesinin yiğitbaşıları Hacı Mehmed b. Süleyman ve ihtiyârlarından Hacı Mustafa b. Süleyman ve Hacı Mehmed b. Hacı Receb ve Mehmed b. Sefer ve Hacı Musa b. Mustafa ve Ali Beşe b. Yusuf ve Hacı Ahmed b. Mehmed ve Hızır Bey b. Yahşi ve Musli Bey b. Sefer ve Abdurrahman b. Mehmed ve Ahmed b. Ali ve Mustafa b. Süleyman ve Musli b. Mustafa nâm kimesne[ler] meclis-i şer‘-i şerîf-i lâzımü’t-teşrîfde tâife-i mezbûrenin ihtiyârlarından bâ‘isü’l-kitâb el-Hâc Mehmed b. Kenan nâm kimesne mahzarında her biri ikrâr ve takrîr-i kelâm edip sâbıkan kethüdâmız olan Seyfullah b. Mehmed nâm kimesne yerine mezbûr Hacı Mehmed b. Kenan’ı kāimmakām edip kasr-ı yed etmekle biz dahi mezbûr Seyfullah’ı kethüdâlıkdan ihrâc edip yerine mezbûr Kethüdâ el-Hâc Mehmed b. Kenan’ı kethüdâ nasb ve ta‘yîn ve ihtiyâr eyledik kethüdâlık umûrunda mezbûr el-Hâc Mehmed b. Kenan’a kimesne müzâhim olmamak için taraf-ı şer‘den yedine hüccet verilmek matlûbumuzdur dediklerinde mezbûr el-Hâc Mehmed ba‘de’l-yevm tâife-i mezbûreye kethüdâ olup kethüdâlık umûrunda kimesne müzâhim olmamak üzre mâ hüve’l-vâki‘ bi’t-taleb ketb olundu. Fi’l-yevmi’l-hâdî ve’l-ışrîn min şehri Ramazâni’l-mübârek li sene seb‘a ve seb‘în ve elf Şuhûdü’l-hâl: Umdetü’l-müderrisîn Hasan Efendi, umdetü’l-müderrisîn Abdülbâkī Çelebi, Mehmed Çelebi b. Abdullah, Yusuf Çavuş b. ( ), Mehmed b. Ramazan.