Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 719 Hüküm no: 928 Orijinal metin no: [111a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hatice Hanım’ın, Yazıcı Hüseyin Efendi’ye olan borcuna karşılık mücevherlerini rehin verdiği Dârü’l-hilâfeti’l-aliyye Kostantıniyye el-mahmiyye’de Debbâğ Yunus mahallesi sâkinelerinden umdetü’l-muhadderât Hatice Hanım bt. Ali Paşa meclis-i şer‘-i şerîf-i Ahmedî ve mahfil-i dîn-i münîf-i Muhammedî’de umdetü erbâbi’t-tahrîr ve’l-kalem Yazıcı Hüseyin Efendi b. Mahmud Ağa mahzarında ikrâr ve takrîr-i kelâm edip mûmâ-ileyh Hüseyin Efendi’ye cihet-i kefâletden zimmetimde vâcibü’l-edâ ve lâzımü’l-kazâ beş yüz esedî guruş deynim olmağın bundan akdem yedimde mülküm olan işbu askı ta‘bîr olunur doksan dört inci ve on dört bâfteli yedisi ve kebîr yirmi biri hurda elmas taşla bir altın küpemi deyn-i mezbûr mukābelesinde mûmâ-ileyh Hüseyin’e rehn vaz‘ ve teslîm edip ol dahi irtihân ve tesellüm eylemişidi dedikde gıbbe’t-tasdîk mâ vaka‘a bi’t-taleb ketb olundu Fi’l-yevmi’l-hâdî ve’l-ışrîn min şehri Ramazâni’l-mübârek li sene seb‘a ve seb‘în ve elf Şuhûdü’l-hâl: Mehmed Çelebi b. Abdullah, İbrahim Çelebi b. Ahmed, Hasan Çelebi b. Ahmed, Yusuf Çavuş el-Mübâşir.