Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 294 Hüküm no: 363 Orijinal metin no: [52b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ümmühâni bt. Kurd’un eşi Mustafa b. Ahmet’den muhâlaa yoluyla boşandığı Mahmiye-i Galata’da Sarı Lütfi mahallesinde sâkine Ümmühâni bt. Kurd nâm hâtun meclis-i şer‘-i hatîr-i lâzımü’t-tevkīrde zevci işbu râfi‘ü’l-kitâb Mustafa b. Ahmed mahzarında ikrâr ve i‘tirâf edip mezbûrun zimmetinde mütekarrir olan iki bin dört yüz akçe mehr-i müeccelimden ve nafaka ve iddet ve me’ûnet-i süknâmdan fâriğa olmak üzre mezbûr Mustafa ile muhâla‘a-i sahîha-i şer‘iyye ile muhâla‘a edip her birimiz âharın zimmetini hukūk-ı zevciyyete müte‘allika âmme-i de‘âvâdan ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’l-hâdî ve’l-ışrîn min Zilka‘deti’ş-şerîfe li sene selâse ve seb‘în ve elf. Şuhûdü’l-hâl: Mustafa Çelebi b. Receb, el-Hâc Sefer b. Fazlı, Ahmed Yazıcı b. Mehmed, Hüseyin b. Mirza ve gayruhüm.