Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 721 Hüküm no: 931 Orijinal metin no: [111a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Yusuf’un, Mehmed b. Mustafa’dan muhâlaa yoluyla boşandığı Mahmiye-i İstanbul’da Nişancı Paşa-yı Atîk mahallesi sâkinelerinden Fâtıma bt. Yusuf nâm hâtun meclis-i şer‘-i şerîf-i Ahmedî ve mahfil-i dîn-i münîf-i Muhammedî’de zevc-i dâhilün-bihâsı Mehmed b. Mustafa nâm kimesne mahzarında ikrâr ve takrîr-i kelâm edip mezbûr Mehmed zimmetinde mütekarrir ve ma‘kūdun-aleyh olan üç bin beş yüz akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzre muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl ettikden sonra zevciyyete ve gayra müte‘allika âmme-i de‘âvâdan her birimiz âharın zimmetini ibrâ ve iskāt eyledik dedikde gıbbe’t-tasdîk mâ vaka‘a bi’t-taleb ketb olundu. Fi’l-yevmi’s-sâlis ve’l-ışrîn min şehri Ramazâni’l-mübârek li sene seb‘a ve seb‘în ve elf. Şuhûdü’l-hâl: Mehmed b. Mustafa, Süleyman Çelebi b. Ahmed, İbrahim Çelebi b. Ahmed, Veli b. Mahmud.