Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 303 Hüküm no: 377 Orijinal metin no: [55a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Hüseyin’in velayetinin Raziye Hâtun’a verilmesi Vilâyet-i Anadolu’da Filyoz kazâsı sükkânından Bayram b. Mehmed nâm kimesne meclis-i şer‘-i hatîr-i lâzımü’t-tevkīrde işbu râfi‘atü’l-kitâb Râziye bt. Yusuf nâm Hâtun mahzarında üzerine da‘vâ ve takrîr-i kelâm edip hâlâ mezbûre Râziye Hâtun’un hacr ve terbiyesinde olan işbu hâzıra bi’l-meclis Fâtıma bt. Hüseyin nâm sagīre bundan akdem müteveffât olan kızım Huri’nin sadriye kızı olmağın benim hacr ve terbiyemde olup bana sagīre-i mezbûreyi teslîmine tenbîh olunmak murâdımdır dedikde gıbbe’s-suâl mezbûre Râziye Hâtun cevâbında fi’l-hakīka sagīre-i merkūme mezbûre Bayram’ın sadriye kızı Huri’nin kızı olduğunu ikrâr lâkin sagīre-i mezbûre benim li ebeveyn er karındaşım Hüseyin’in kızı ve ben ammesi olmağla hakk-ı hızâne benimdir deyû teslîmden imtinâ‘ edicek, hâkim-i muvakki‘-i sadr-ı kitâb tûbâ lehû ve hüsnü-me’âb hazretleri dahi hakk-ı hızâne mezbûre Râziye Hâtun’un olmağın sagīre-i mezbûreyi mezkûre Râziye Hâtun’a teslîm etmeğin mûcebince mezbûr Bayram mu‘ârazadan men‘ birle mâ vaka‘a bi’t-taleb ketb olundu. Hurrire fi’l-yevmi’l-ışrîn min Zilka‘deti’ş-şerîfe li sene selâse ve seb‘în ve elf. Şuhûdü’l-hâl: Mustafa b. Receb, Hamza . Abdünnebi, Siyavuş b. Abdullah, Emrullah b. Mehmed.