Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 310 Hüküm no: 387 Orijinal metin no: [57a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Marina bt. Panayot’un Todori v. Mihal’i vekil tayin ettiği Mahrûsa-i Galata’da Sultan Bayezid mahallesinde sâkine Marina bt. Panayot nâm nasrâniye mahfil-i kazâda işbu râfi‘ü’s-sifr Todori v. Mihal nâm zimmî muvâcehesinde ikrâr ve takrîr-i kelâm edip zevcim olup bundan akdem hâlik olan Palaş nâm zimmî ile hâl-i hayâtında târih-i kitâbdan bir sene mukaddem Galatasarayı’nda merhûm Silahdar Mustafa Paşa vakf eylediği nukūdun bi’l-fi‘l mütevellîsi olan Ahmed Çelebi’nin yedinden vakf-ı mezbûr malından olup her biri yedişer buçuk dirhem guruş olmak üzre üç yüz kıt‘a riyâlî guruş ahz ü kabz edip mukābelesinde iştirâk-i seviy üzre mülkümüz olup cânib-i vakf-ı mezbûra istiğlâl eylediğimiz mahalle-i mezbûrede vâki‘ lede’l-ahâlî ve’l-cîrân ma‘lûmü’l-hudûd menzili semen-i misli ile bey‘a ve semeninden meblağ-ı merkūmu edâya ve fazlayı bana îsâle ve kabz [ve] îsâl mütevakkıf olduğu umûrun cümlesine mezbûr Todori’yi tarafımdan vekîl ve nâib-i menâb nasb [ve] ta‘yîn eyledim dedikde ol dahi vekâlet-i mezbûreyi kabûl ve hizmet-i lâzımesin edâya ta‘ahhüd etmeğin mâ vaka‘a bi’t-taleb ketb olundu. Fi’l-yevmi’s-sâbi‘ ve’l-ışrîn min Zilka‘deti’ş-şerîfe li sene selâse ve seb‘în ve elf. Şuhûdü’l-hâl: El-Hâc Ali b. el-Hâc Mehmed, el-Hâc Kenan b. Abdullah, el-Hâc Sefer b. Fazlı, Ahmed Yazıcı b. Mehmed, el-Hâc Ramazan b. Ahmed ve gayruhüm.