Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 317 Hüküm no: 399 Orijinal metin no: [59b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şaban b. Hüdaverdi’nin Mehmed b. Mehmed’e borcu olduğu Mahmiye-i Galata hâricinde Kâtib Mustafa Çelebi mahallesinde sâkin Mehmed b. Mehmed meclis-i şer‘-i hatîr-i lâzımü’t-tevkīrde yine mahalle-i mezbûre sâkinlerinden Şaban b. Hüdâverdi nâm kimesne muvâcehesinde üzerine da‘vâ ve takrîr-i kelâm edip mezbûr Şaban’ın zimmetinde cihet-i karz-ı şer‘îden on iki bin akçe hakkım olup taleb eylediğimde edâdan imtinâ‘ eder, suâl olunup alıverilmesi matlûbumdur dedikde gıbbe’s-suâl mezbûr Şaban cevâbında fi’l-hakīka müdde‘î-i mezbûr Mehmed’e vech-i muharrer üzre zimmetimde lâzımü’l-edâ ve vâcibü’l-kazâ on iki bin akçe deynim vardır deyû ikrâr ve i‘tirâf etmeğin mûcebiyle meblağ-ı mezbûrun edâsına merkūm Şaban’a tenbîh birle mâ vaka‘a bi’t-taleb ketb olundu. Fi’l-yevmi’s-sâdis min Zilhicceti’ş-şerîfe li sene selâse ve seb‘în ve elf. Şuhûdü’l-hâl: El-Hâc Mehmed b. Musa, Davu[d] b. Mevcud?, Ramazan Efendi el-Kadı, Yusuf b. Abdullah, Ahmed Yazıcı b. Mehmed.