Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 321 Hüküm no: 405 Orijinal metin no: [60b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Ali’nin vefat eden Osman’da olan alacağını varisi Mehmed’den tahsil ettiği Mahmiye-i Galata müzâfâtından kasaba-i Fındıklı’da Kazancıbaşı mahallesinde sâkin Mustafa b. Ali nâm kimesne meclis-i şer‘-i hatîr-i lâzımü’t-tevkīrde yine mahalle-i mezbûre sâkinlerinden olup bundan akdem vefât eden Osman nâm müteveffânın sulbî kebîr oğlu ve muhallefâtına vâzı‘ü’l-yed olan bâ‘is-i hâze’l-kitâb Mehmed b. Mustafa nâm kimesne muvâcehesinde ikrâr ve takrîr-i kelâm edip müteveffâ-yı mezbûre hâl-i hayâtında kendi malımdan elli kıt‘a riyâlî guruş ikrâz ve teslîm, ol dahi iktirâz ve tesellüm eyledikden sonra mezbûrun on iki buçuk riyâlî guruşunu hâl-i hayâtında müteveffâ-yı mezbûrun yedinden ahz ü kabz edip meblağ-ı bâkī otuz yedi buçuk guruşu kable’l-ahz ve’l-istîfâ fevt olmağla meblağ-ı mezbûr zimmetinde kalmağın el-hâletü hâzihî meblağ-ı mezbûr otuz yedi buçuk guruşu mezbûr Mehmed’in yedinden alıp kabz eyledim min ba‘d meblağ-ı mezbûra müte‘allika müteveffâ-yı mezbûrun zimmetinde bir akçe ve bir habbe kalmadı dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Hurrire fi’l-yevmi’s-sâlis min Zilhicceti’ş-şerîfe li sene selâse ve seb‘în ve elf. Şuhûdü’l-hâl: Ebûbekir Beşe b. Şaban, Eyüb Ağa, Mustafa b. Receb, Mehmed b. ( ), Hüseyin b. Abdullah.