Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 331 Hüküm no: 421 Orijinal metin no: [63a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dimitri v. Nikola cariyesi İstecka bt. Yuvan’ı azat ettiği Mahrûsa-i Galata hâricinde vâki‘ Yağkapanı’nda bakkal tâifesinden Dimitri v. Nikola nâm zimmî mahfil-i kazâda kendiye rıkkını mu‘terife olan işbu orta boylu açık kaşlı, gök elâ gözlü Rusiyyetü’l-asl râfi‘atü hâze’l-kitâb İstecka bt. Yuvan nâm câriye-i memlûkesi muvâcehesinde ikrâr ve takrîr-i kelâm edip câriye-i memlûkesi mevsûfe-i mezbûreyi malımdan lâ li ivazin ‘âcil ve lâ li garazin âcil malımdan âzâd ve zümre-i harâir-i asliyyâta ilhâk ve idrâc eyledim ba‘de’l-yevm mevsûfe-i mezbûre sâir harâir-i asliyyât gibi hürre olup üzerinde hakk-ı velâdan gayrı hakkım bâkī kalmadı dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâlis aşer min Zilhicceti’ş-şerîfe li sene selâse ve seb‘în ve elf. Şuhûdü’l-hâl: Ebûbekir Beşe b. Şaban Çukadâr, Emrullah b. Mehmed, Hüseyin b. Mirza, Ahmed Yazıcı b. Mehmed, Mustafa b. Receb ve gayruhüm.