Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 334 Hüküm no: 426 Orijinal metin no: [63b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İstemad v. Dimitri’nin kefil tayini Rüesâ tâifesinden İstemad v. Dimitri nâm zimmî meclis-i şer‘-i hatîr-i lâzımü’t-tevkīrde mahmiye-i İstanbul’da Yemiş iskelesinde sâkin bâ‘isü’l-kitâb Mehmed Çelebi b. Ferhad nâm kimesne mahzarında ikrâr ve takrîr-i kelâm edip mezbûr Mehmed Çelebi’ye cihet-i karz-ı şer‘îden tâmmü’l-vezn yüz kırk kıt‘a esedî guruş zimmetimde lâzımü’l-edâ deynim vardır deyû ikrâr ve i‘tirâf eyledikde gıbbe’t-tasdîki’ş-şer‘î merkūm İstemad’ın nefsine ve gaybet ve firâr ederse yüz kırk kıt‘a esedî guruş deynine mahrûsa-i Galata müzâfâtından kasaba-i Kasımpaşa’da Câmi‘-i Kebîr mahallesinde sâkin Mustafa Çavuş b. Abdullah nâm kimesne târih-i kitâbdan yirmi gün tamâmına dek tarafeynden emr ve kabûlü hâvî kefâlet-i sahîha-i şer‘iyye ile kefîl olmağın, mâ vaka‘a bi’t-taleb ketb olundu. Fi’l-yevmi’l-hâmis aşer min Zilhicceti’ş-şerîfe li sene selâse ve seb‘în ve elf. Şuhûdü’l-hâl: Mehmed Çavuş b. Abdullah, el-Hâc Ramazan b. Abdullah, Hüseyin b. Hasan, Hasan Çelebi b. ( ), Hüseyin b. Mirza ve gayruhüm.