Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 338 Hüküm no: 430 Orijinal metin no: [65a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dimitri v. Todori’nin Apostol’den alacağı olduğu Cezîre-i Limni sükkânından işbu bâ‘isü’s-sifr Dimitri v. Todori nâm zimmî mahfil-i kazâda Apostol v. Rayce nâm zimmî muvâcehesinde üzerine da‘vâ ve takrîr-i kelâm edip mezbûr Apostol zimmetinde cihet-i karz-ı şer‘îden bin akçe hakkım vardır hâlâ taleb ederim suâl olunsun dedikde gıbbe’s-suâl mezbûr Apostol cevâbında fi’l-hakīka müdde‘î-i mezbûra cihet-i mezbûre zimmetimde bin akçe lâzımü’l-edâ ve vâcibü’l-kazâ deynim vardır deyû bi tav‘ihî ikrâr ve i‘tirâf etmeğin alâ mûcebi i‘tirâfihî meblağ-ı mezbûru edâya mezbûr Apostol’e tenbîh birle mâ vaka‘a bi’t-taleb ketb olundu. Fi’l-yevmi’s-sâdis aşer min Zilhicceti’ş-şerîfe li sene selâse ve seb‘în ve elf. Şuhûdü’l-hâl: El-Hâc Kenan Bey b. Abdullah, Eyüb Ağa Muhzırbaşı, Mustafa Çelebi b. Receb, Ahmed Yazıcı el-Muhzır ve gayruhüm.