Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 338 Hüküm no: 431 Orijinal metin no: [65a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Âişe bt. Abdullah’ın eşi Derviş b. İbrahim’den muhâlaa yoluyla boşandığı Mahmiye-i Galata’ya tâbi‘ kasaba-i Kasımpaşa’da Câmi‘-i Kebîr mahallesinde sâkine Âişe bt. Abdullah nâm hâtun meclis-i şer‘-i hatîr-i lâzımü’t-tevkīrde zevci râfi‘-i hâze’l-kitâb Derviş b. İbrahim mahzarında ikrâr ve i‘tirâf edip mezbûrun zimmetinde mütekarrir olan iki bin akçe mehr-i müeccelimden ve nafaka-i iddet [ve] me’ûnet-i süknâmdan fâriğa olmak üzre mezbûr Derviş ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl ettikden sonra zevciyyete müte‘allika âmme-i de‘âvâdan mezbûr Derviş’in zimmetini ibrâ-i âmm-ı kātı‘ü’n-nizâ‘la ibrâ ve iskāt eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâbi‘ aşer min Zilhicceti’ş-şerîfe li sene selâse ve seb‘în ve elf. Şuhûdü’l-hâl: İbrahim Bey b. Mehmed, Şahin Bey b. Mehmed, İbrahim Bey b. Mehmed, Receb b. Abdullah, Ahmed Yazıcı b. Mehmed ve gayruhüm.