Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 342 Hüküm no: 437 Orijinal metin no: [66a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. El-Hâc Mehmed’in Mazlum b. Ebûbekir’e borcu olduğu Tüccâr tâifesinden işbu râfi‘ü’l-kitâb el-Hâc Mazlum b. Ebûbekir nâm kimesne meclis-i şer‘de el-Hâc Mehmed b. Ahmed mahzarında üzerine da‘vâ ve takrîr-i kelâm edip bundan akdem mezbûr el-Hâc Mehmed zimmetinde yedimden müşterâ ve makbûz tahin bahâsından ba‘de külli hesâb on iki buçuk esedî guruş hakkım vardır taleb ederim suâl olunsun dedikde gıbbe’s-suâl mezbûr el-Hâc Mehmed cevâbında fi’l-hakīka müdde‘î-i mezbûr el-Hâc Mazlum’a cihet-i merkūme[den] on iki buçuk esedî guruş vâcibü’l-edâ ve lâzımü’l-kazâ deynim vardır deyû bi tav‘ihî ikrâr ve i‘tirâf etmeğin mûcebiyle meblağ-ı mezbûru müdde‘î-i mezbûra edâya merkūm el-Hâc Mehmed’e tenbîh birle mâ vaka‘a bi’t-taleb ketb olundu. Fi’l-yevmi’l-ışrîn min Zilhicceti’ş-şerîfe li sene selâse ve seb‘în ve elf. Şuhûdü’l-hâl: El-Hâc Kenan Bey b. Abdullah, Ebûbekir Beşe b. Şaban Çukadâr, Mustafa Çelebi b. Receb, Mehmed Çelebi b. Hüseyin ve gayruhüm.