Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 346 Hüküm no: 443 Orijinal metin no: [67a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yasef v. Vali’nin Aslan v. Şeban’a borcu olduğu Ohri cemâ‘atinden râfi‘-i hâze’s-sifr Aslan v. Şeban nâm yahudi mahfil-i kazâda Yasef v. Vedal nâm yahudi muvâcehesinde üzerine da‘vâ ve takrîr-i kelâm edip bundan [akdem] mez[bûr] Yasef zimmetinde cihet-i karz-ı şer‘îden otuz iki buçuk kıt‘a esedî guruş hakkım vardır taleb ederim suâl olunsun dedikde gıbbe’s-suâl mezbûr Yasef cevâbında fi’l-hakīka müdde‘î-i mezbûra cihet-i merkūmeden otuz iki buçuk esedî guruş deynim vardır deyû bi tav‘ihî ikrâr ve i‘tirâf etmeğin mûcebiyle meblağ-ı mezbûru müdde‘î-i mezbûra edâya mezbûr Yasef’e tenbîh birle mâ vaka‘a bi’t-taleb ketb olundu. Fi’l-yevmi’l-ışrîn min Zilhicceti’ş-şerîfe li sene selâse ve seb‘în ve elf. Şuhûdü’l-hâl: El-Hâc Kenan Bey b. Abdülmennân, Ebûbekir Beşe b. Şaban Çukadâr, Mustafa Çelebi b. Receb, Hüseyin Çelebi b. Mirza ve gayruhüm.