Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 348 Hüküm no: 447 Orijinal metin no: [67b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Çelebi’nin, Mahmud Çelebi’yi vekil tayin etmesi Mahmiye-i Galata hâricinde Müeyyedzâde mahallesinde sâkin Mehmed Çelebi b. Ahmed mahfil-i kazâda işbu râfi‘ü’l-kitâb Mahmud Çelebi b. Rüstem mahzarında ikrâr ve takrîr-i kelâm edip mahalle-i mezbûrede sâkine ammem olan Ümmühâni nâm hâtun zimmetinde iki yüz elli aded yaldız altınımı hıfz etmek için mukaddemâ mezbûrenin yedine emânet vaz‘ eylediğim tahmînen yirmi miskāl dokuz aded altın düğmelerimi mezbûreden taleb ve da‘vâ ve ahz ü kabza ve bana îsâle ve bi’l-cümle ahz u ‘itâ mütevakkıf olduğu umûrun cümlesine mezbûr Mahmud Çelebi’yi tarafımdan vekîl ve nâib-i menâb nasb ve ta‘yîn eyledim dedikde ol dahi vech-i muharrer üzre kabûl ve hizmet-i lâzımesin edâya müte‘ahhid olmağın mâ vaka‘a bi’t-taleb ketb olundu. Fi’l-yevmi’l-ışrîn min Zilhicceti’ş-şerîfe li sene selâse ve seb‘în ve elf. Şuhûdü’l-hâl: Ömer Bey b. Mehmed, Mehmed b. Ali, el-Hâc Musli Beşe b. Bayram, Hüseyin b. Abdullah, Mustafa b. Receb.