Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 356 Hüküm no: 458 Orijinal metin no: [69b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şehzâde bt. Mehmed’in Receb b. Hüseyin’de olan alacağını tahsil ettiği Mahmiye-i Galata mahallâtından el-Hâc Memi mahallesinde sâkin Şehzâde bt. Mehmed nâm hâtun meclis-i şer‘-i hatîr-i lâzımü’t-tevkīrde bâ‘is-i hâze’l-kitâb Receb b. Hüseyin nâm kimesne muvâcehesinde bi’t-tav‘i’s-sâf ikrâr ve i‘tirâf edip mezbûr zimmetinde cihet-i karz-ı şer‘îden dört bin akçe hakkım var idi hâlâ meblağ-ı mezbûru merkūm Receb yedinden bi’t-tamâm ahz ü kabz eyledim. Meblağ-ı mezbûr dört bin akçeden mezbûr Receb zimmetinde bir akçe ve bir habbe hakkım kalmadı dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’l-hâmis ve’l-ışrîn min Zilhicceti’ş-şerîfe li sene selâse ve seb‘în ve elf. Şuhûdü’l-hâl: Ahmed Çelebi b. Mehmed, Yusuf Çelebi b. Ahmed, Şükrullah Çelebi b. Hasan, Mustafa Çelebi b. Receb, Ahmed Yazıcı b. Mehmed.