Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 359 Hüküm no: 465 Orijinal metin no: [70b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Osman’ın eşi Seyyid Resul Çelebi’den muhâlaa yoluyla boşandığı Mahmiye-i Galata’da Şehsuvar mahallesinde sâkine Fâtıma bt. Osman nâm hâtun meclis-i şer‘-i hatîr-i lâzımü’t-tevkīrde zevc-i muhâlı‘ı bâ‘is-i hâze’l-kitâb es-Seyyid Resul Çelebi b. Mustafa nâm kimesne muvâcehesinde ikrâr ve i‘tirâf edip zevcim mezbûr es-Seyyid Resul Çelebi zimmetinde mütekarrir ve ma‘kūdun aleyh olan iki bin akçe mihr-i müeccelim ve nafaka ve iddet-i me’ûnet-i süknâm kendi üzerime olmak üzre mezbûr es-Seyyid Resul Çelebi ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl eyledikden sonra zevciyyete müte‘allika cemî‘ de‘âvîden her birimiz âharın zimmetini ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’t-tâsi‘ ve’l-ışrîn min Zilhicceti’ş-şerîfe li sene selâse ve seb‘în ve elf. Şuhûdü’l-hâl: Eyüb Ağa el-Bevvâb-ı sultânî, el-Hâc Şaban b. Halil, Mehmed Reis b. Abdurrahman, Mustafa Çelebi b. Receb, İbrahim Çelebi b. Hüseyin, Ahmed Yazıcı b. Mehmed.