Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 365 Hüküm no: 475 Orijinal metin no: [72a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nasuh Efendi’ye olan borcunu ödemesi hususunda Ali Reis’e tenbihte bulunulduğu Mahmiye-i İstanbul’da Rüstem Paşa Câmi‘-i şerîfi kurbunda sâkin Nasuh Efendi b. Yusuf nâm kimesne mahfil-i kazâda Kara Ali Reis b. Ahmed mahzarında üzerine da‘vâ ve takrîr-i kelâm edip mezbûr Ali Reis zimmetinde cihet-i deyn-i şer‘îden on altı bin iki yüz seksen bir akçe hakkım vardır taleb ederim, suâl olunsun dedikde gıbbe’s-suâl mezbûr Ali Reis cevâbında fi’l-hakīka müdde‘î-i mezbûr Nasuh Efendi’ye cihet-i deyn-i şer‘îden zimmetimde on altı bin iki yüz seksen bir akçe vâcibü’l-edâ ve lâzımü’l-kazâ deynim vardır deyû bi tav‘ihî ikrâr [ve] i‘tirâf etmeğin mûcebiyle meblağ-ı mezbûr on altı bin iki yüz seksen bir akçeyi müdde‘î-i mezbûra edâya mezbûr Ali Reis’e tenbîh birle mâ vaka‘a bi’t-taleb ketb olundu. Fî selh-i Zilhicceti’ş-şerîfe li sene selâse ve seb‘în ve elf. Şuhûdü’l-hâl: Eyüb Ağa el-Bevvâb-ı sultânî, el-Hâc Ramazan b. Mehmed, Ahmed Yazıcı b. Mehmed, Hüseyin b. Mirza, Zülfikār b. İbrahim ve gayruhüm.