Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 366 Hüküm no: 478 Orijinal metin no: [72b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Receb b. Muharrem’e, Kostantin v. Manol aleyhindeki alacak iddiasını ispat için süre verildiği Mellâh tâifesinden Receb b. Muharrem nâm kimesne meclis-i şer‘de işbu bâ‘isü’s-sifr Kostantin v. Manol nâm zimmî muvâcehesinde üzerine da‘vâ ve takrîr-i kelâm edip mezbûr Kostantin zimmetinde her yüzü onar akçeye olmak üzre yedimden müşterâ ve makbûz beş yüz aded fıçı tahtası bahâsından cem‘an bin elli akçe hakkım vardır taleb ederim, suâl olunsun dedikde gıbbe’s-suâl ve akībe’l-inkâr müdde‘î-i mezbûrdan müdde‘âsını mübeyyine beyyine taleb olundukda ityân-ı beyyine için istimhâl etmeğin mehil-i şer‘î ile imhâl olunup mâ vaka‘a bi’t-taleb ketb olundu. Fi’l-yevmi’s-sânî min Muharremi’l-harâm li sene erba‘a ve seb‘în ve elf. Şuhûdü’l-hâl: Mustafa Çelebi b. Receb, Ahmed Yazıcı b. Mehmed, Hüseyin b. Abdullah, Siyavuş b. Abdullah, Hüseyin b. Mirza ve gayruhüm.