Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 367 Hüküm no: 480 Orijinal metin no: [72b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Todori v. Petro’nun Yanaki v. Laskari aleyhindeki alacak davasının reddedildiği Mellâh tâifesinden Todori v. Petro nâm zimmî meclis-i şer‘-i hatîr-i lâzımü’t-tevkīrde tâife-i mezbûreden işbu râfi‘ü’s-sifr Yanaki v. Laskari nâm zimmî muvâcehesinde üzerine da‘vâ ve takrîr-i kelâm edip gāib ani’l-meclis Yorgi nâm zimmî zimmetinde cihet-i karz-ı şer‘îden sekiz kıt‘a esedî guruş hakkım olmağla meblağ-ı mezbûra merkūm Yanaki mukaddemâ emr ve kabûlü hâviye kefâlet-i sahîha-i şer‘iyye ile kefîl olmuşidi, hâlâ meblağ-ı mezbûru kefâleti cihetinden merkūm Yanaki’den taleb ederim suâl olunsun dedikde gıbbe’s-suâl ve akībe’l-inkâr müdde‘î-i mezbûrdan müdde‘âsını mübeyyine beyyine taleb olundukda ityân-ı beyyineden izhâr-ı acz edip istihlâf etmeğin fi’l-vâki‘ müdde‘î-i mezbûrun gāib-i merkūm Yorgi zimmetinde hakkı olan sekiz kıt‘a esedî guruşu vech-i muharrer üzre kefîl olmadığına merkūm Yanaki’ye yemîn teklîf olundukda ol dahi alâ vefki’l-mes’ûl yemîn billâhi’llezî enzele’l-İncîle alâ İsa -aleyhi’s-selâm- etmeğin mûcebiyle müdde‘î-i mezbûr bilâ-beyyine mu‘ârazadan men‘ birle mâ vaka‘a bi’t-taleb ketb olundu. Hurrire fi’l-yevmi’s-sânî min Muharremi’l-harâm li sene erba‘a ve seb‘în ve elf. Şuhûdü’l-hâl: Hamza b. Abdülganî, Hasan b. Mirza, el-Hâc Ramazan b. Mehmed, Muharrem b. Receb.