Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 371 Hüküm no: 487 Orijinal metin no: [73b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim b. Abdullah’ın, Hacı Yusuf b. Abdullah aleyhindeki darb davasından vazgeçtiği Vilâyet-i Anadolu’da Ereğli kasabası sâkinlerinden İbrahim b. Abdullah nâm kimesne mahfil-i kazâda bâ‘is-i hâze’l-kitâb el-Hâc Yusuf [b.] Abdullah nâm kimesne muvâcehesinde bi’t-tav‘i’s-sâf ikrâr ve i‘tirâf edip mezbûr el-Hâc Yusuf beni bi gayr-ı vech-i şer‘î yumruk ile darb ve kara bere eyledi deyû mezbûr el-Hâc Yusuf’dan mûceb-i şer‘îsini da‘vâ ve taleb eylemişidim. El-hâletü hâzihî da‘vâ-yı mezkûrumdan bi’l-cümle ve bi’l-külliyye fâriğ olup husûs-ı mezbûra müte‘allika olan da‘vâdan merkūm el-Hâc Yusuf’un zimmetini ibrâ-i âmm-ı kātı‘ü’n-nizâ‘ ile ibrâ ve iskāt eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’r-râbi‘ mine’l-Muharremi’l-harâm li sene erba‘a ve seb‘în ve elf. Şuhûdü’l-hâl: Mustafa Çelebi b. Receb, Emrullah b. Mehmed, Zülfikār b. İbrahim, Ahmed Yazıcı b. Mehmed ve gayruhüm.